Álvaro Cunhal
Álvaro Cunhal | |||||||||||||||
---|---|---|---|---|---|---|---|---|---|---|---|---|---|---|---|
(1980) Irudi gehiago | |||||||||||||||
1985eko azaroaren 4a - 1987ko abuztuaren 12a Barrutia: Lisboa Hautetsia: 1985 Portuguese legislative election (en)
1983ko maiatzaren 31 - 1985eko azaroaren 3a Barrutia: Lisboa Hautetsia: 1983 Portuguese legislative election (en)
1980ko azaroaren 13a - 1983ko maiatzaren 30a Barrutia: Lisboa Hautetsia: 1980 Portuguese legislative election (en)
1980ko urtarrilaren 3a - 1980ko azaroaren 12a Barrutia: Lisboa Hautetsia: 1979 Portuguese legislative election (en)
1976ko ekainaren 3a - 1980ko urtarrilaren 2a Barrutia: Lisboa Hautetsia: 1976 Portuguese legislative election (en)
1974ko maiatzaren 15a - 1975eko abuztuaren 8a ← baliorik ez - Jorge Campinos (en) →
1961eko martxoaren 31 - 1992ko abenduaren 5a ← Bento António Gonçalves (en) - Carlos Carvalhas (en) → | |||||||||||||||
Bizitza | |||||||||||||||
Jaiotzako izen-deiturak | Álvaro Barreirinhas Cunhal | ||||||||||||||
Jaiotza | Coimbra, 1913ko azaroaren 10a | ||||||||||||||
Herrialdea | Portugal | ||||||||||||||
Heriotza | Lisboa, 2005eko ekainaren 13a (91 urte) | ||||||||||||||
Familia | |||||||||||||||
Aita | Avelino da Costa Cunhal | ||||||||||||||
Ama | Mercedes Simões Ferreira Barreirinhas | ||||||||||||||
Haurrideak | ikusi
| ||||||||||||||
Hezkuntza | |||||||||||||||
Heziketa | Lisboako Unibertsitatea | ||||||||||||||
Hizkuntzak | portugesa | ||||||||||||||
Jarduerak | |||||||||||||||
Jarduerak | politikaria, eskultorea, idazlea, abokatua eta iraultzailea | ||||||||||||||
Jasotako sariak | ikusi
| ||||||||||||||
Izengoitia(k) | Manuel Tiago | ||||||||||||||
Sinesmenak eta ideologia | |||||||||||||||
Erlijioa | ateismoa | ||||||||||||||
Alderdi politikoa | Portugalgo Alderdi Komunista | ||||||||||||||
Álvaro Barreirinhas Cunhal (portugesez ˈaɫvɐɾu kuˈɲaɫ ahoskatua; Sé Nova, Coimbra, 1913ko azaroaren 10a — Lisboa, 2005eko ekainaren 13a) portugaldar politikaria eta idazlea izan zen. Idazle moduan Manuel Tiago ezizena erabiltzen zuen.
1935ean, Gazteria Komunistako idazkari orokor izendatu zuten. Oliveira Salazarren diktaduraren aurka borrokatzeagatik atxilotu, torturatu eta hamaika urtez espetxeratu zuten (1949-1960). Kartzelan zegoela, Alderdi Komunistako idazkari nagusi hautatu zuten (1951). 1960an, kartzelatik ihes egin zuen, eta 1961ean, PCPko (Portugalgo Alderdi Komunistako) idazkari nagusi izendatu zuten. Eragin handia izan zuen Apirileko Iraultza bideratu zuen armadako taldean. 1975eko hauteskundeetan, Portugalgo lehendakarigai izan zen alderdi ezkertiarrek osaturiko koalizioaren lerroetan (Frente Unido Revolucionario), baina ez zuen kargua lortu. Krabelinen Iraultzaren (1974ko apirila) ondoren itzuli zen Portugalera, eta kargu jakinik gabeko ministro izan zen lehenbiziko lau behin-behineko gobernuetan, baita Estatu Kontseiluko kide eta diputatu ere. Sobietar zalea izan zen, eta erregimen komunistekiko atxikimendua erakutsi zuen beti.
Idazlan politikoez gain, literatura ere idatzi zuen Manuel Tiago ezizenarekin. Euskaraz 2020 urtean Bost egun, bost gau liburua argitaratu zuen Katakrak argitaletxeak Iñigo Roque Eguzkitzak itzulita[1]. Ondoko hauek dira portugesez argitaratu zituen liburu ezagunenak:
- Até Amanhã, Camaradas. Lisboa: Edições Avante!, 1974
- Cinco Dias, Cinco Noites. Lisboa: Edições Avante!, 1975.
- A Estrela de Seis Pontas. Lisboa: Edições Avante!, 1994.
- A Casa de Eulália. Lisboa: Edições Avante!, 1997.
- Fronteiras. Lisboa: Edições Avante!, 1998.
- Um Risco na Areia. Lisboa: Edições Avante!, 2000.
- Sala 3 e Outros Contos. Lisboa: Edições Avante!, 2001.
- Os Corrécios e Outros Contos. Lisboa: Edições Avante!, 2002.
- Lutas e vidas: Um Conto. Lisboa: Edições Avante!, 2003.
2005eko ekainaren 13an hil zen Lisboan. Hiletara 500.000 lagun joan ziren.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ SA, Baigorri Argitaletxea. (2020-06-01). ««Hemen ere izan da beste era bateko kontrabandorik, ez hain erromantikoa»» GARA (Noiz kontsultatua: 2020-08-10).
Kanpo estekak
- Datuak: Q250919
- Multimedia: Álvaro Cunhal / Q250919