Cadreitako fusilamenduak
Cadreitako fusilamenduak | |
---|---|
Mota | gerra krimen |
Honen parte da | Espainiako Gerra Zibila |
Data | 1936ko abuztuaren 23a |
Kokaleku | Cadreita |
Herrialdea | Euskal Herria |
Pertsona hilak | 52 |
Cadreitako fusilamenduak 1936ko abuztuaren 23an, Espainiako Gerra Zibilean frankistek Iruñeko espetxetik atera eta 52 preso errepublikarrak hil zituzten.
Gertakizunak
52 preso errepublikar fusilatu zituzten frankistek Nafarroa Garaian, Cadreitako Valcalderan. Iruñeko espetxean 52 lagun izen-abizenekin banan-banan deitu, aske zeudela esan, autobusetan sartu eta Cadreitara eraman zituzten. Gezurra zen. Cadreitan, autobusetik jaitsiarazi eta Valcaldera eremuan fusilatu zituzten. Honorino Arteta izeneko presoak ihes egitea lortu eta gertatu zen guztia kontatu zuen.[1]
Hildakoen arrastoak Erorien Haranera eramanda daude. Hasieran, Valcaldera bertan lurperatu zituzten. Jimmy Jimenez Aranzadi Elkarteko kideak azaldu duenez, 2011n hasi ziren desagertuen hobia topatzeko lanak. «Ez aztarnarik ez frogarik ez zegoenez, pentsatu genuen zerbait arraroa gertatzen zela». Lekukoen arabera, 1959an Erorien haranera eraman zituzten. Jimenezek hango artxibategian ikertu zuen, eta ohar batean agertzen zen Cadreitatik 67 pertsonaren arrastoak igorri zituztela. Zenbakiak ez datoz bat baina pentsatzekoa da haien artean fusilatuak egon daitezkela.[2]
Erreferentziak
Kanpo estekak
- Joxerra Senar: "Valcalderan fusilatutako 52 pertsonak omendu dituzte". Berria, 2014ko abuztuak 24.
Datuak: Q121842401