Peziza ammophila
Peziza ammophila | |
---|---|
Irudi gehiago | |
Sailkapen zientifikoa | |
Erreinua | Fungi |
Klasea | Pezizomycetes |
Ordena | Pezizales |
Familia | Pezizaceae |
Generoa | Peziza |
Espeziea | Peziza ammophila M. C. Durieu de Maisonneuve & J.-H. Léveillé |
Peziza ammophila Pezizaceae familiako onddo espezie bat da.[1] Ez du balio gastronomikorik. Desagertzeko arriskuan dagoen espeziea, babestu beharrekoa.
Deskribapena
Karpoforoa: 2 eta 4 cm bitarteko zabalerakoa eta 1,5 eta 3 cm bitarteko garaierakoa, globo itxurako apotezioa, katilu edo kupiliforme formakoa, heltzen denean ireki egiten da, ertzak izar itxura hartuz
Himenioa: Barrualdea marroi ilun kolorekoa du.
Peridioa: Kanpo-peridioa askoz argiagoa, 5-10 petalo puntazorrotzekin eta atzeraka tolestuta, hondar dezente izaten du itsatsita.
Hanka antzekoa: Erdi inguruan.
Haragia: Oso mehea, hauskorra, usaingabea eta zaporegabea. Espora-jalkin zuria.[2]
Etimologia: Peziza terminoa, grekotik dator, oin txikiko onddoak izendatzen zituen "pezis" hitzetik. Ammophila epitetoak, harea maite duela, esan nahi du
Jangarritasuna
Ez du balio sukalderako, ondo eginda ez badago urdaileko arazoak ere eragin ditzake. Desagertzeko arriskuan dagoen espeziea da, babestu egin behar da
Nahasketa arriskua
Sarcosphaera crassa delakoarekin nahas daiteke, hau handiagoa da eta himenio morea du. Geastrum saccatum espeziearekin ere bai, honek ez du erdiko astaputzik.
Sasoia eta lekua
Erdi lurperatuta kostako dunetako hareetan, mikorriza egiten du Ammophila arenaria gramineoekin. Doñanan eta Portugalen
Banaketa eremua
Ipar Amerika, Argentina, Txile, Erresuma Batua, Europa, Australia, Hegoafrika, Zeelanda Berria.
Espeziearen egoera
Aranzadi Elkartearen arabera, Peziza ammophila desagertzeko arriskuan dauden onddoen eusko-kantauriar Zerrenda Gorrian dago.[3] Azken urteotan mikologia adituek onddo batzuen beherakada kuantitatibo eta kualitatibo handia egon dela ohartarazi dute. Adituen esanetan, egoera honek hainbat eragile ditu, tartean klima aldaketa, pestiziden erabilera eta bilketa masiboak.
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia..
- ↑ Zerrenda Gorria, Aranzadi Zientzia Elkartea
Kanpo estekak
Autoritate kontrola |
---|
- Datuak: Q51124
- Multimedia: Peziza ammophila / Q51124
Arriskuan dauden Euskal Herriko onddoak | |
---|---|
|